Daginn

Fyrir þá sem ekki vita þá er ég kominn heim á Íslandið. Reyndar eru alveg rúmar 4 vikur síðan þannig að ég er nú ekkert nýkominn.

Ég byrjaði ég á því að fara upp á Bifröst og er ég búinn að klára tvo kúrsa síðan ég kom heim. Nei reyndar er það bölvuð lýgi að ég hafi byrjað á því að fara í skólan. Ég byrjaði auðvitað á því að fara í sleik við Hafrúnu en svo fór ég í skólan. Rétt skal vera rétt. Ég er hinsvegar ekki upp á Bifröst núna þar sem ég ákvað að taka ekki næstu 2 kúrsa. Ég þarf ekki að taka alla kúrsana í sumar þar sem ég á svo lítið eftir og ákvað því að vera bara í fríi næstu 4 vikur. Svo einstaklega skemmtilega vill til að hún Hafrún er líka í fríi og við ætlum að brasa eitthvað saman og hafa það gott þessar 4 vikur. Og auðvitað fara helling í sleik. Mæli með að fólk fari mikið í sleik, það er hressandi.

Þessa stundina er ég staddur í Grindavík í ógeðis roki og rigningu. Það var ekki um annað að ræða en að fara hingað um helgina þar sem að hinn sívinsæli sjómannadagur var í gær sem þýðir að allir missa sig í endalausa gleði. Alla vegana í Grindavík. Það var semsagt rosa djamm hérna á laugardagin sem var bara nokkuð gaman. Það skemmdi ekki fyrir að Gunni skellti sér til Grindavíkur í tilefni dagsins og kíkti á ballið með kærustunni. Það var einstaklega frábært og varð einnig til þess að ég þurftir ekki að hanga í pilsinu, ég meina kjólnum, hjá Hafrúnu allt kvöldið. Takk fyrir það Gunni, þú ert life saver.

Annars er ég bara nokkuð kátur. Ég er að spá í að fara hringinn í kringum landið í fríinu sem ég hef ekki gert síðan ég var sirka 10 ára. Það verður án efa hressandi. Síðan ætla ég líka að nota tíman og reyna að finna íbúð fyrir mig og Matta næsta vetur í borginn og svo væri ekki verra ef ég mundi líka redda mér vinnu í leiðinni. Nóg að gera þó maður sé í fríi.

En ég er farinn í sleik.

Óskar

Síðustu klukkutímarnir í USA

Þá er þessi dvöl mín í Bandaríkjunum nánast búin. Flugið mitt fer, ef það er á áætlun, eftir 5 tíma þannig að það er ekki mikill tími eftir. Verð að viðurkenna að þetta leið mun hraðar en ég reiknað með.

En þessir dagar hér í New York eru búnir að vera frábærir. Ég mæli hiklaust með því að fólk skelli sér hingað næst þegar það ætlar að fara til útlanda, þetta er mögnuð borg. Þessi árstími er líka alveg frábær ef maður ætlar að skoða sig eitthvað um þar sem það er ekki kalt en heldur ekki of heitt. Það er víst ekkert spes að vera hérna í geðveikum hita í ágúst auk þess sem borgin er full af túristum á þeim tíma og þar með bölvað vesen að skoða öll þessi helstu túrista attractions. Við vorum alveg rosalega heppnir með veður en það er búið að vera um 20 gráðu hiti hérna allan tíman.

Columbia Hts 113 þar sem Steini býr.

Brooklyn Heights Promenade, um 30 sek labb frá íbúðinni hans Steina

En ég ætla að halda áfram að pakka. Later

Óskar

New York

Þá er ég kominn til New York og sit hérna í góðu yfirlæti heima hjá Traðaranum. Snilldar íbúð sem strákurinn er í og á snilldar stað. Gott að eiga góða vini segi ég nú bara.

Við Fab tókum góðan túrista rúnt á þetta í dag. Við tókum daginn snemma og tókum lestina yfir á Manhattan. Fórum út á fysta stoppi sem er Wall street og skoðum okkur um þar. Löbbuðum síðan um Manhattan nánast eins og það leggur sig og sáum alla þessa helstu staði. Fórum td upp í Empire State og ég mæli með því að fólk geri það ef það á leið um New York. Það er alveg geðveikt útsýni þarna uppi.



Herru já! Það virðist vera orðið hefð hjá mér að bíða með frægum Íslendingum á rauðu gönguljósi hérna á austurströndinni. Í Washington var ég að bíða á gönguljósi þegar ég leit til vinstri og sá þá að engin annar en Örn Árnason stóð rétt hjá mér. Ég toppaði það heldur betur í dag þegar ég beið á rauðu ljósi á 7th avenue. Ég var þar í mesta sakleysi að tala við Fabian þegar hann benti mér að á konan sem hefði staðið hinumegin við mig (hún var að labba í burtu þegar hann sagði þetta) væri helvíti lík Björk Guðmundsdóttir. Ég leit þá til hliðar og jú, hún var ekki bara lík henni Björk heldur var þetta hún. Mögnuð tilviljun....


En jæja, ætla að láta þetta duga.

Óskar

Síðasti dagurinn

Þá er síðasti dagurinn hér í Jonesboro runninn upp. Maður er búinn að vera að pakka saman og henda drasli í dag og gær og kanski ekki seinna vænna. Ég er reyndar að fara í síðasta prófið mitt kl 6:30 í kvöld sem pirrar mig svolítið, ég vil bara rumpa þessu af en ekki bíða með það fram á kvöld og þar með hafa þetta hangadi yfir sér í allan dag.

En já, síðasti dagurinn hér í Jonesboro í dag. Ég er reyndar ekki alveg að átta mig á því ennþá þar sem að ferðin til New York truflar mig aðeins. Mér finnst eiginlega bara eins og að ég sé að fara í helgarferð til New York og komi svo aftur hingað. Maður áttar sig sennilega ekki á því að maður er í alvörunni að fara heim fyrr en maður tékkar sig inn í flugið til Íslands.

En talandi um New York. Ég er farinn að hlakka all svakalega til að fara þangað og vera þar í 5 daga. Fabien stórvinur minn frá Frakklandi ætlar að koma með mér og svo ætlar hann Þorsteinn Hjálmar, betur þektur sem Traðara Dýrið, að skjóta yfir okkur skjólshúsi og veita okkur félagsskap. Strákurinn býr víst á besta stað í borginni þannig að það er algjör snilld að við getum gist hjá honum. Ég hringdi í hann um daginn og ætlaði að tékka á því hvort að hann gæti ekki hitt okkur einn daginn. Ég vissi að hann ætti heima í frekar lítilli íbúð og gæti því ekki tekið við okkur Fabian þannig að það kom mér skemmtilega á óvart þegar hann bauð okkur gistingu þar sem hann væri ný fluttur í stærri íbúð.
Ég og Fab ætlum að tékka á öllu þessu helsta sem borgin hefur upp á að bjóða auk þess sem Steini lumar kanski á leyniatriðum. Veðurspáin er líka mjög góð þannig að við eigum líklega eftir að eyða einhverjum tíma á pallinum hjá Traðaranum með bjór í hönd, en útsýnið af honum er víst helvíti magnað. Ég verð að viðurkenna að ég er orðinn helvíti spenntur!

En jæja, ætla að láta þetta duga. Verð víst að læra aðeins fyrir þetta helvítis próf.

Later

Óskar